"للكسولات فقط " اعرفي ١٠ حاجات هتساعدك تهتمي بنفسك

هندخل في المفيد علشان نلحقك قبل ما تزهقي، الـ 10 حاجات دي هتساعدك تهتمي بنفسك بأقل مجهود والنتيجة هتبسطك:
1 - لو الـ eye liner نشف منك، هاتي فرشاة رفيعة وحطيها في الماسكرا وارسمى بيها.



2- لو طالبة معاكي تقسمي شعرك من جنب معين ولاحظتي إن شعرك بدأ يخف من الناحية دى، هاتي eye shadow بني أو أسود على حسب لون شعرك وحطيه بفرشاة على خط الشعر وبكده هيختفي وشعرك هيبان أتقل.



3- رشي مثبت الشعر على البنس قبل ما تحطيهم فى شعرك علشان ميقعوش كل شوية.



4- مكسلة تجيبي جل حواجب، هاتي فرشاة أسنان نظيفة ورشي عليها مثبت شعرك ومشيها على حواجبك، هيفضلوا مظبوطين طول اليوم.



5- عايزة تعملي شعرك كيرلي الصبح بس مش هيكون عندك وقت، اعمليه 3 ضفائر أحجامهم مختلفة من بالليل ونامي بيهم وهتلاقيه الصبح كيرلي وشكله طبيعي.



6- استخدمي منتجات الاتنين فى واحد "شامبو وبلسم" علشان توفري وقت وإنتى بتغسلي شعرك.



7- محتاجة فرشاة للكونتور أو للهايلايتر، حطي بنسة فى فرشاة البلاشر بالعرض واستخدميها بأى طريقة.



8- بتكسلي تغسلي وشك من المكياج، حطي Wipes مخصصة لإزالة المكياج وكريم الليل جنب السرير.



9 - لو جبتي foundation غامق ومكسلة ترجعيه، حطي عليه كريم ترطيب البشرة لحد ما يوصل للدرجة اللى إنتى عايزاها.



10 – لو مش عايزة تحطى مكياج بس وشك مجهد، استخدمى أى كريم BB ودرجة روج جريئة علشان تلفت النظر بعيدا عن تفاصيل بشرتك.